Бразилия футболи афсонаси Пеленинг фикрича, унинг ватандоши Неймар "Барса" ўйинчиси Мессидан сира қолишмас экан. "Футбол қироли"нинг айтишича, аргентиналик Месси бразилиялик Неймардан фақат тажриба борасида устун экан, холос.
- Ҳозир ҳамма Месси ҳақида гапиряпти, у - юлдуз. Лекин Месси энг зўри бўлиши учун Неймардан ўтиши керак, - деди Пеле "Сантос" клубининг 100 йиллигига бағишланган матбуот анжуманида. - Ҳозирги пайтда Мессининг бироз тажрибаси кўпроқ, холос.
Пеле бундан ташқари Диего Марадона билан ўзининг муносабатларини яна бир бор шарҳлаб ўтди. Кўпчилик ОАВ бу икки буюк футболчиларни душман деб аташади.
- Журналистлар Марадонани менинг рақобатчим деб атайдилар, аммо бундай эмас, - дейди Пеле. - Мен ҳеч қачон ушбу буюк ҳужумкор яримҳимоячининг рақиби бўлмаганман.
