Хабарингиз бор, жорий йилнинг 27 февраль санасида Яйпан шаҳридаги «Ўзбекистон» ўйингоҳида Ўзбекистон Супекубоги учрашуви ўтказилади. Шу куни Ўзбекистонинг энг номдор жамоаларидан ҳисобланган Тошкентнинг «Пахтакор» ва Қаршининг «Насаф» клублари ўзаро майдонга чиқадилар.

Айни кунларда Яйпан шаҳрида ушбу катта футбол байрамига тайёргарлик жараёни ўзининг авж палласига кирган. «Турон» футбол клуби ЎзПФЛ билан хамкорликда Суперкубок учрашувини кўтаринки ва байрамона руҳда ўтказиш мақсадида «Ўзбекистон» ўйингоҳи худудида бир қатор амалий ишлар олиб борилмоқда.

Шунингдек, «Пахтакор» ва «Насаф» жамоалари ўртасидаги Ўзбекистон Суперкубоги учрашувига кириш чипталари сотуви ҳам йўлга қўйилган бўлиб, стадион масъуллари томонидан берилган бугунги маълумотга кўра айни дамда харид қилинган чипталар сони 3000дан зиёдроқни ташкил этмоқда.

Таъкидлаш жоиз, 2022 йилги катта футбол мавсуми Яйпанда Ўзбекистон Суперкубоги учрашуви билан старт олади. Ўйиндан бир кун аввал «Ўзбекистон» стадиони анжуманлар залида «Пахтакор» ва «Насаф» клублари бош мураббийлари иштирокида матбуот анжумани ташкил этилади. Бундан ташқари, футбол учрашуви бошланиши олдидан ва танаффус вақтида мухлислар учун махсус консерт дастури намойиши ҳам режалаштирилган. Жумладан, шу куни стадионга ташриф буюрган мухлислар таниқли эстрада юлдузлари - Фарҳод ва Ширин жуфтлиги ижросида дилтортар тароналарга бевосита гувоҳ бўлган холда мароқли ҳордиқ чиқаришлари таъминланади.

«Турон» матбуот хизмати