«Тоттенхем» ва Харри Кейн ўртасидаги муносабатлар тарихида янги кутилмаган бурилиш пайдо бўлиши мумкин.
Эслатиб ўтамиз, Англия терма жамоаси сардори Лондон клубини тарк этиш истагини яширмаган ва ўтган ёзда «шпорлар»нинг мавсумолди ўйинларида бойкот қилганди.
Бироқ, италиялик журналист ва инсайдер Фабрицио Романонинг фикрича, «Тоттенхем» Кейнга янги узоқ муддатли шартнома таклиф қилишга тайёр.
Лондонликлар бош мураббийи Антонио Конте юлдузли лойиҳани Кейнда кўришини яширмаяпти. Ўз навбатида Кейн ҳам италиялик мутахассис билан ишлашни ёқтирмоқда. Бироқ ҳужумчи ўз қарорини кейинроқ билдириши кутилмоқда.
Кейннинг янги шартнома имзолашига «Тоттенхем» Чемпионлар лигасига йўлланмани қўлга киритиши ва "шпорлар"нинг трансфер стратегияси ҳал қилувчи омиллар бўлади.
