Joma спорт бренди Москванинг ЦСКА клуби билан ҳамкорликни тўхтатмоқчи эмас. Компания "ҳарбийлар" учун спорт анжомлари етказиб берувчи сифатида хизмат қилишда давом этади.
Эслатиб ўтамиз, ЦСКА акцияларининг назорат пакетига эгалик қилувчи ВЭБ.РФ давлат корпорацияси Донбассдаги вазият кескинлашгани сабабли АҚШ санкцияларига учраган эди.
«Joma бренди ЦСКА ПФКнинг санкциялар рўйхатига киритилгани ҳақида ҳали маълумот олмаган. Клуб билан амалдаги шартнома доирасида ҳамкорлигимизни давом эттирамиз. Бренд ўз ишини давом эттиради ва Россия Федерациясидаги ҳамкорлар олдидаги барча ҳомийлик мажбуриятларини бажаришда давом этади", - деди Joma бренди вакили РБC-Спорт билан суҳбатда.