Мадриднинг «Реал» клуби «Норвич Сити» ҳимоячиси Макс Эронсга қизиқиш билдирмоқда.
Англия U-21 терма жамоаси футболчиси узоқ вақтдан бери Европанинг етакчи клублари, жумладан, «Барселона»нинг ҳам эътиборини тортди. Испания матбуоти хабарига кўра, Мадриднинг «Реал» клуби бу мавсумда Эронсга эътибор қаратмоқда, чунки келажакда ўнг қанот ҳимоячиси Дани Карвахалга ўринбосар қидирмоқда.
«Реал» бош мураббийи Карло Анчелотти раҳбариятга Эронсни сотиб олишни тавсия қилди. Карло бу футболчини «Эвертон»ни бошқараётганида ҳам кузатган.
«Эронс - Карвахалнинг ёш версияси», - дейди Анчелотти.
Эронснинг "канарейкаликлар" билан шартномаси 2024 йилгача мўлжалланган.