УЕФА агар Европа Чемпионлари Лигаси финали Санкт-Петербургдан олиб қўйилса, бошқа стадионга кўчириш вариантлари устида ишламоқда.
ESPN нашри тарқатган маълумотларга кўра, Россия-Украина можаросининг кескинлашуви сабабли, ЕЧЛ финалини бошқа стадионга кўчириш эҳтимоли юқори.
УЕФА Европа Иттифоқи билан ҳамкорлик қилишни ва Россияга нисбатан жорий этиладиган санкцияларга амал қилишни режалаштирмоқда.
Учрашувни «Уэмбли»да ўтказиш варианти УЕФА томонидан кўриб чиқилмаяпти. Сабаби, стадион ушбу муддатларда АПЛнинг ҳал қилувчи ўйинларини ўтказиши керак. Шунингдек, «Уэмбли» 2024 йилда Чемпионлар лигаси финалини ҳам ўтказиши керак.
Кўчирилиши мумкин бўлган стадионлар деб Рим, Мюнхен, Париж, Амстердам ва Барселона шаҳарларидан ареналар тилга олинмоқда.
