UYEFA agar Yevropa Chempionlari Ligasi finali Sankt-Peterburgdan olib qo‘yilsa, boshqa stadionga ko‘chirish variantlari ustida ishlamoqda.

ESPN nashri tarqatgan ma’lumotlarga ko‘ra, Rossiya-Ukraina mojarosining keskinlashuvi sababli, YECHL finalini boshqa stadionga ko‘chirish ehtimoli yuqori.

UYEFA Yevropa Ittifoqi bilan hamkorlik qilishni va Rossiyaga nisbatan joriy etiladigan sanksiyalarga amal qilishni rejalashtirmoqda.

Uchrashuvni «Uembli»da o‘tkazish varianti UYEFA tomonidan ko‘rib chiqilmayapti. Sababi, stadion ushbu muddatlarda APLning hal qiluvchi o‘yinlarini o‘tkazishi kerak. Shuningdek, «Uembli» 2024 yilda Chempionlar ligasi finalini ham o‘tkazishi kerak.

Ko‘chirilishi mumkin bo‘lgan stadionlar deb Rim, Myunxen, Parij, Amsterdam va Barselona shaharlaridan arenalar tilga olinmoqda.