"Ливерпуль" АПЛнинг қолдирилган учрашуви доирасида «Лидс» (6:0) жамоасини янчиб ташлади. Учрашувда Муҳаммад Салоҳ ва Садьо Манелар дубль натижасини қайд этишди.
Мисрлик футболчи 19 та гол билан тўпурарлар рўйхатида етакчилик қилмоқда, иккинчи ўринда эса Диогу Жота 12 та гол билан бормоқда, Садио Мане эса 11 та гол билан учинчи поғонада кетмоқда.
Қайд этиш керакки, АПЛда энг яхши ассистентлар рўйхатида ҳам «Ливерпуль» футболчилари етакчилик қилишмоқда. Трент Александер-Арнолд ва Муҳаммад Салоҳлар 10 тадан голли узатмаларни амалга оширган бўлса, Эндрю Робертсон ҳисобида эса 9 та ассист бор.
