Испаниянинг «Бетис» ҳамда Россиянинг «Зенит» клублари ўртасидаги Европа лигасининг 1/16 финал босқичи доирасидаги жавоб учрашуви белгиланган тартибда бўлиб ўтади. Бу ҳақда УЕФА матбуот хизмати хабар бермоқда.
Пайшанба куни УЕФА Украина ва Россия атрофидаги вазият кескинлашиши сабабли ташкилот ижроия қўмитасининг фавқулодда йиғилиши 25 февраль куни ўтказилишини маълум қилди.
Бироқ, УЕФА бугунги барча ўйинлар режалаштирилганидек ўтказилишини тасдиқламоқда.
«Бетис» - «Зенит» учрашуви бугун тунда Севилядаги «Бенито Вилямарин» стадионида бўлиб ўтади.
