«Брага» бош мураббийи Карлуш Карвальял бугун Европа лигаси плей-офф босқичи доирасидаги «Шериф» билан бўлиб ўтадиган жавоб ўйинидан олдинги фикрлари билан ўртоқлашди.
- Кейинги босқичга чиқиш учун бор кучимизни ишга соламиз. Биз ўз майдонимизда меҳмондаги мағлубиятни қайтариб олишимизга ишонамиз. Айниқса, қарши ҳужумларда жуда хавфли бўлган рақибни ҳайратда қолдиришга ҳаракат қиламиз. Ушбу евромавсумида "Шериф" фақат "Интер"га ютқазди, улар Мадридда "Реал"ни мағлуб этишга муваффақ бўлди, - деди Карвальял УЕФА расмий сайтига.