Римнинг «Лацио» бош мураббийи Маурицио Сарри Европа лигаси плей-офф босқичи доирасидаги уй учрашувида «Порту» жамоасига қарши ўйинда қайд этилган дуранг (2:2) ҳақида фикр билдирди. Меҳмонда "Лацио" клуби 1:2 ҳисобида мағлуб бўлганди.
"Яхши ўйин, аммо таъми аччиқ бўлди, чунки биз яхшироқ ҳаракат қилишимиз мумкинлигини ҳис қилдик. Биз кучли жамоага дуч келишимизни билардик, улар ўтган йили Чемпионлар лигасининг чорак финалида ўйнашган. Лекин иккала учрашувда ҳам биз «Порту» билан тенгма-тенг ўйнай олишимизни кўрсатдик», - деди Сарри УЕФА расмий сайтига.
