«Бавария»нинг собиқ ярим ҳимоячиси Франк Рибери мюнхенликлар ҳужумчиси Роберт Левандовски ҳақида фикр билдирди.
«Мен учун Левандовски сўнгги икки-уч йил ичида дунёдаги энг кучли ҳужумчи», - дея фикр билдиради Рибери Sky Sport Italia нашрига. Роберт ўз устида кўп ишлайди ва шерикларга ҳам ёрдам беришни яхши кўради. Левандовски хет-трик қайд этган тақдирда ҳам у дарҳол кейинги ўйин ҳақида ўйлайди. Левандовски сўнгги икки «Олтин тўп»ни қўлга киритишга ҳақли эди.
Эслатиб ўтамиз, 2021 йилда «Олтин тўп»ни «ПСЖ» ҳужумчиси Лионель Месси олган, 2020 йилда эса коронавирус пандемияси туфайли мукофот топширилмаган эди».
Жорий мавсумда Левандовски «Бавария» сафида 32 ўйинда 39 та гол урди ва 3 та голга ассистентлик қилди.
