«Манчестер Юнайтед»нинг 37 ёшли португалиялик ҳужумчиси Криштиану Роналду қачон профессионал фаолиятини якунлаши мумкинлиги ҳақида фикр билдирди. Ҳозирча футболчи «бутсасини михга осиб қўймоқчи» эмас.
Dazn нашри билан суҳбатда Роналду чемпионлик учун курашиш имкониятини берадиган жамоада фаолиятини давом эттиришга тайёрлигини айтди. Роналду ўз интервьюсида «Манчестер Юнайтед» ҳақида гапирмади.
Португалиялик профессионал фаолиятини қачон якунлашини айта олмаслиги, аммо у ўйнашни давом эттириши ва имкон қадар кўпроқ соврин ютиш ниятида эканлигини айтди.
