"Брентфорд" бош мураббийи Томас Франкнинг айтишича, ярим ҳимоячи Кристиан Эриксен эртага АПЛнинг 27-тури доирасида "Ньюкасл Юнайтед"га қарши ўйинда жамоа сафида дебют қилади.
“Кристиан қайдномада бўлади ва эртага майдонга тушади. Бу барчамиз учун, айниқса Кристиан ва унинг оиласи учун катта кун. Футбол билан шуғулланадиган ва июнь ойида содир бўлган воқеаларни кўрган ҳар бир киши учун бу бизда ўз ишимизни қилиш, яшаш ва ҳар бир лаҳзадан завқланиш имкониятига эга эканлигимизни яна бир бор эслатиб туради", - дея иқтибос келтиради Франкнинг сўзларидан The Athletic.
“Брентфорд” – “Ньюкасл” учрашуви эртага, 26 февраль куни соат 20:00да (Тошкент вақти билан) бошланади.
