Чет эллик инвесторлар Роман Абрамовичдан «Челси»ни сотиб олмоқчи.
Bloomberg хабарига кўра, Лондон клубининг сотилиши эҳтимоли туфайли потенциал харидорлар фаоллашган. Спорт сармоядорлари ва хусусий компаниялар, жумладан, АҚШ фирмалари «Челси»ни сотиб олиш учун потенциал таклифлар тайёрламоқда.
Февраль ойида ушбу масала бўйича битта сўров юборилган.
«Челси» 1,9 миллиард еврога баҳоланган. Клубни сотиш бўйича потенциал келишув Европа футболи тарихидаги энг йирик келишув бўлиши мумкин.
Агар Буюк Британия Абрамовичга нисбатан санкциялар қўлласа, келишув қандай амалга оширилиши номаълум. Санкцияланган одамлар Британия активларини сота олмайди, чунки улар музлатилади.
