Ралф Рангник «Манчестер Юнайтед» ва «Уотфорд»нинг ўйин услубларини солиштирди.

“Биз Рой Хожсон билан бир неча бор учрашганмиз. Сўнгги йилларда эмас, анча олдин.

Биз бир-биримизни биламиз ва ўйиндан олдин ва кейин қўл бериб кўришамиз. Олдин бир-биримизга қарши ўйнаганмиз, деб ўйламайман.

Хожсон қўл остидаги дастлабки икки ўйинда «Уотфорд» 4-4-2 схемасида ўйнади, учинчи ўйинда эса 4-3-3 схемасига ўтишди.

Бизнинг ўйин услубларимиз ўхшаш, олдинга ўтиш имкониятини қидирамиз, тезкор ҳужумчилар билан ўйнаймиз.

Уларга бундай вазиятларни бермоқчи эмасмиз ва ҳимояда ишончли ўйнаб, ўз имкониятларимизни яратиш ниятидамиз”, - деди «Манчестер Юнайтед» устози.