«Арсенал»нинг собиқ футболчиси Обамеянг Ляказеттга хабар йўллади. Александр «Вулверхэмптон»га қарши баҳсда ғалаба голини киритган эди.
Шундан сўнг, француз ҳужумчиси ўз Instagram саҳифасига «Жамоадан фахрланса арзийди. Стадиондаги бугунги атмосфера ажойиб эди» деб ёзади.
Обамеянг эса бунга қисқа ва лўнда муносабат билдирди. Унинг хабарида икки стикер акс этган бўлиб, уларнинг бири қўл сиқиб кўришиш, иккинчиси эса қизил юракча эди.
Эслатиб ўтамиз, габонлик ҳужумчи январь ойида «Барселона»га эркин агент сифатида йўл олганди.
