Германия футболи ва Мюнхеннинг «Бавария» клуби фахрийси Михаэл Баллак футбол бизнесига қайтди. Германия терма жамоасининг собиқ аъзоси футболчилар бўйича маслаҳатчиси бўлиб ишлайди.
«Мен ёш футболчиларга ўз фаолиятларини режалаштиришида ёрдам бераман. Гап ёш болалар ҳақида кетмоқда. Мен уларга ўзимнинг бой тажрибамни ўргатмоқчиман», - Баллакнинг сўзларидан иқтибос келтирмоқда Германия матбуоти.
2012 йилда профессионал фаолиятини якунлаган 45 ёшли фахрий "Лаки 13 ГмбХ" агентлигининг директори вазифасини бажариб келмоқда. Баллак бу иш билан анчадан бери шуғулланади.
