Журналист Карим Беннани Пол Погбанинг "ПСЖ"га ўтишини қўллаб-қувватлади. "Манчестер Юнайтед" футболчиси Париж лойиҳасида етакчилардан бири бўлиши мумкин.
"Бир неча мавсумдан бери биз назарий жиҳатдан Пол Погба ва "ПСЖ" ҳаяжонли эканини айтмоқдамиз. Лекин мен камроқ жароҳат олган Погбани хоҳлайман. Сўнгги йилларда "ПСЖ" кам ўйнайдиган футболчиларни ўз сафига қўшиб олди. Бизга футболчи зудлик билан "ПСЖ" манфаати учун ишлаши керак.
Погбанинг соғлом турмуш тарзига шубҳам йўқ. У майдонга доимо ҳиссиётлар билан тушадиган футболчи. Менимча, у француз бўлган ҳолда "ПСЖ" етакчиларидан бирига айлана олади. Албатта, Килиан Мбаппе кетса", - деди Беннани.
