«Бавария»нинг 33 ёшли ҳужумчиси Роберт Левандовски 2021 йил охирида ҳужумчи Лионель Месси «Олтин тўп»ни қўлга киритгани ҳақидаги фикрлари билан ўртоқлашди.
«Агар сиз Мессидан кейин иккинчи бўлсангиз, ўзингизни ғолиб деб ҳисоблашингиз мумкин. Месси билан солиштириш, мен жуда ажойиб мавсум ўтказганимни англатади.
Яна бир неча йил ўйнамоқчиман. Агар бир неча йилдан сўнг ўйинимда пасайиш бўлса, нафақага чиқиш ҳақида ўйлашим мумкин, аммо ҳозир эмас», - дея Левандовскининг сўзларини келтиради Téléfoot.
Эслатиб ўтамиз, ўтган йилнинг ноябрь ойида Месси «Олтин тўп» соҳибига айланганди. Бу соврин аргентиналик футболчи учун фаолиятидаги еттинчи соврин бўлди. Эслатиб ўтамиз, «Олтин тўп»лар сони бўйича Мессининг энг яқин таъқибчиси, «Манчестер Юнайтед»нинг португалиялик ҳужумчиси Криштиану Роналду ҳисобланади (5 та).
