«Bavariya»ning 33 yoshli hujumchisi Robert Levandovski 2021 yil oxirida hujumchi Lionel Messi «Oltin to‘p»ni qo‘lga kiritgani haqidagi fikrlari bilan o‘rtoqlashdi.

«Agar siz Messidan keyin ikkinchi bo‘lsangiz, o‘zingizni g‘olib deb hisoblashingiz mumkin. Messi bilan solishtirish, men juda ajoyib mavsum o‘tkazganimni anglatadi.

Yana bir necha yil o‘ynamoqchiman. Agar bir necha yildan so‘ng o‘yinimda pasayish bo‘lsa, nafaqaga chiqish haqida o‘ylashim mumkin, ammo hozir emas», - deya Levandovskining so‘zlarini keltiradi Téléfoot.

Eslatib o‘tamiz, o‘tgan yilning noyabr oyida Messi «Oltin to‘p» sohibiga aylangandi. Bu sovrin argentinalik futbolchi uchun faoliyatidagi yettinchi sovrin bo‘ldi. Eslatib o‘tamiz, «Oltin to‘p»lar soni bo‘yicha Messining eng yaqin ta’qibchisi, «Manchester Yunayted»ning portugaliyalik hujumchisi Krishtianu Ronaldu hisoblanadi (5 ta).