2022 йилги янги футбол мавсумига ўзгача руҳ ва шукуҳда тайёргарлик кўрган «Динамо» жамоаси ўз анъанасига кўра, чемпионат ўйинлари олдидан янги футболчилари тақдимотини ўтказади.
Таништирув маросими 28 февраль, душанба куни соат 18:00да Самарқанд шаҳридаги «Ёшлар маркази» катта залида бошланади.
Тадбирда жамоа аъзолари, вилоят ҳокимлиги, ҳомий ва мутасадди ташкилотлар раҳбарлари, мухлислар, Самарқанд футбол жамоатчилиги иштирок этади. Унда клуб бош мураббийи Предраг Роган таништирилиб, «Динамо» футболчиларига янги либослар топширилади.
«Динамо» жамоаси барча мухлисларни ҳамда ОАВ вакилларини тақдимот маросимига таклиф этади.
Залга тиббий ниқоб билан келиш тавсия этилади. Мухлислар соат 17:00дан бошлаб залга киритилади.
