2022 yilgi yangi futbol mavsumiga o‘zgacha ruh va shukuhda tayyorgarlik ko‘rgan «Dinamo» jamoasi o‘z an’anasiga ko‘ra, chempionat o‘yinlari oldidan yangi futbolchilari taqdimotini o‘tkazadi.
Tanishtiruv marosimi 28 fevral, dushanba kuni soat 18:00da Samarqand shahridagi «Yoshlar markazi» katta zalida boshlanadi.
Tadbirda jamoa a’zolari, viloyat hokimligi, homiy va mutasaddi tashkilotlar rahbarlari, muxlislar, Samarqand futbol jamoatchiligi ishtirok etadi. Unda klub bosh murabbiyi Predrag Rogan tanishtirilib, «Dinamo» futbolchilariga yangi liboslar topshiriladi.
«Dinamo» jamoasi barcha muxlislarni hamda OAV vakillarini taqdimot marosimiga taklif etadi.
Zalga tibbiy niqob bilan kelish tavsiya etiladi. Muxlislar soat 17:00dan boshlab zalga kiritiladi.
