Кеча ФИФА ва УЕФА Россия клублари ва терма жамоаларини ўз мусобақаларида иштирок этишини тақиқлади. Ушбу қарорга Россия футбол иттифоқи расмий баёнот берди.
"Россия футбол иттифоқи ФИФА ва УЕФАнинг Россиянинг барча жамоаларини номаълум муддатга халқаро ўйинларда иштирок этишдан четлаштириш ҳақидаги қарорига мутлақо қўшилмайди.
Бизнинг фикримизча, бу қарор халқаро спорт мусобақаларининг меъёр ва тамойилларига, спорт руҳига зиддир. Бу очиқ-ойдин камситувчи хусусиятга эга ва жуда кўп сонли спортчилар, мураббийлар, клублар ва терма жамоалар ходимларига, энг муҳими, миллионлаб россиялик ва чет эллик мухлисларга беҳурматликдир.
Биз халқаро спорт қонунчилигига мувофиқ ФИФА ва УЕФА қарорига эътироз билдириш ҳуқуқини талаб қиламиз", - дейилади баёнотда.
