Kecha FIFA va UEFA Rossiya klublari va terma jamoalarini o‘z musobaqalarida ishtirok etishini taqiqladi. Ushbu qarorga Rossiya futbol ittifoqi rasmiy bayonot berdi.
"Rossiya futbol ittifoqi FIFA va UEFAning Rossiyaning barcha jamoalarini noma’lum muddatga xalqaro o‘yinlarda ishtirok etishdan chetlashtirish haqidagi qaroriga mutlaqo qo‘shilmaydi.
Bizning fikrimizcha, bu qaror xalqaro sport musobaqalarining me’yor va tamoyillariga, sport ruhiga ziddir. Bu ochiq-oydin kamsituvchi xususiyatga ega va juda ko‘p sonli sportchilar, murabbiylar, klublar va terma jamoalar xodimlariga, eng muhimi, millionlab rossiyalik va chet ellik muxlislarga behurmatlikdir.
Biz xalqaro sport qonunchiligiga muvofiq FIFA va UEFA qaroriga e’tiroz bildirish huquqini talab qilamiz", - deyiladi bayonotda.