«Спартак» собиқ бош мураббийи Доменико Тедескога омад тилади. Айни пайтда Тедеско «Спартак» Европа лигасининг 1/8 финалида тўқнаш келиши керак бўлган «Лейпциг» жамоасини бошқармоқда. Украина билан можаро туфайли Россияга қарши санкциялар доирасида Москва клуби УЕФА томонидан турнирдан четлатилгани сабабли ўйин бекор қилинган.
«Биз собиқ бош мураббийимиз Доменико Тедескога Европа лигасида энг яхши тилакларимизни тилаб қоламиз. Умид қиламизки, келажакда тинчроқ шароитда йўлларимиз яна кесишади», - дейилади «Спартак»нинг "Твиттер"даги расмий саҳифасида.
