"Марсель" бош мураббийи Дидье Дешам Франция лигаси кубоги финалида "Лион" устидан қозонилган ғалабадан сўнг (1:0) журналистларнинг саволларига жавоб берди.

- Муваффақиятингизни сабаби нимада? Сизнинг жамоангиз "Монпелье"га қарши ўйинда жуда ёмон кўринганди (1:3), бугунги баҳсга қаердан куч топди?

- Менинг жамоамда ҳақиқий жангчилар тўпланган. Биз икки кунни бирга ўтказдик ва кўп нарсаларни муҳокама қилдик. Ҳамма футболчилар бугунги ўйиннинг аҳамиятини тушуниб турган эдилар. Ҳаммаси бор кучини сарфладилар. "Мнопелье" билан баҳс ҳақида ҳам шуларни айтишим мумкин, футболда ҳар доим ютавермайсан.

- Бу сизнинг "Марсель"даги охирги совринингизми?

- Бугун бу саволга жавоб бермайман. Менга бу тотли лаҳзаларни ҳузурланишимга имконият беринг. Бу байрамни ўз оилам билан нишонлайман. Мавсум сўнгида ўз келажагимга аниқик киритаман, лекин бу 21 майдан олдин содир бўлмайди.

- Брандао ҳақида икки оғиз. У керакли ўйинларга кучини сақлайдими?

- Брандао, иқтидорли футболчи. У жамоага қайтганда жуда хурсанд бўлганман. Бу йил у жуда муҳим голларни киритди. У жамоа ўйинчиси ва жамоа қизиқишлари - унинг учун муҳим. Мен у билан фахрланаман.