Ўзбекистон термаси ўзининг 30 йиллик тарихида ОФКга аъзо 34та жамоага қарши ўйнаб кўрган. Мальдив термаси ушбу рўйхатга 35-рақиб сифатида киради, зеро, Наманганда ўтадиган учрашув тарихдаги илк қарама-қаршилик бўлади. Термамиз шри-ланкаликлар билан бор-йўғи бир бора тўқнаш келишган - 2000 йилги Осиё кубоги саралашида. 1999 йилнинг ноябрь ойида БААда ўтган баҳс Ўзбекистон термасининг 6:0 ҳисобидаги ғалабаси билан якунланган эди. Вакилларимиз Таиланд миллий жамоаси билан жами 7 марта ўйин ўтказиб, уларнинг 3тасида зафар қучишган, 4тасида имкониятни бой беришган. Тўплар нисбати: 15-17.

***
ОК-2023 саралаш турнири ўйинлари 8, 11 ва 14 июнь кунлари марказлашган тизимда Қувайт, Мўғулистон, Ўзбекистон, Ҳиндистон, Малайзия ва Қирғизистон (гуруҳлар кетма-кетлиги)да бўлиб ўтади. «С» гуруҳи учрашувларига Наманган мезбонлик қилса, «F» квартети баҳслари Бишкекда ташкил этилади. Турнирнинг финал босқичига гуруҳларда ғолиб чиққан жамоалар ва энг яхши кўрсаткичга эга 5та иккинчи ўрин эгаси йўл олади.

***
Дарвоқе, 2004 йилги Осиё кубоги саралашида Таиланд термасига қарши 2та ўйин ўтказгандик. Дастлаб 2003 йилнинг 8 ноябрь куни бизникилар Тошкентда Владимир Шишелов ўз туғилган кунида қайд этган «дубль» эвазига 3:0 ҳисобида ғалаба қозонишган. Орадан 2 ҳафта ўтиб, Бангкокда Ўзбекистон термасининг 1:4 ҳисобида ютқазиши оқибатида Хитойда ўтган финал босқичига таиландликлар йўл олиб, тожикистонликлар мусобақадан четда қолишганди.