Испания Ла Лигасининг 27-туридан ўрин олган ўйинлар 5 март, шанба куни бўлиб ўтди.

«Реал» Мадридда «Реал Сосьедад»ни қабул қилиб, 4:1 ҳисобидаги ғалабани тантана қилди. Дастлаб меҳмонлар учрашувнинг 10-дақиқасида Микель Ойарсабаль томонидан пенальтидан урилган гол эвазига ҳисобни очишганди.

Биринчи бўлим сўнгида Эдуардо Камавинга ва Лука Модрич узоқ масофадан ажойиб голлар уриб, мезбонларни олдинга олиб чиққан бўлишса, иккинчи таймда Карим Бензема 11 метрлик жарима зарбасини голга айлантирди. Шунингдек, Марко Асенсио ҳам ўз номини таблога ёздириб қўйди.

Карло Анчелотти шогирдлари ушбу ғалабадан кейин очколари сонини 63 тага етказиб олиб, 1-ўринга мустаҳкам ўрнашиб олди. Ҳисобида 44 очко бўлган «Реал Сосьедад» 6-поғонани банд этиб турибди.

Ла лига, 27-тур
5 март, шанба
«Реал» – «Реал Сосьедад» 4:1
Голлар: 0:1 – 10, пенальти Ойарсабаль, 1:1 – 40 Камавинга, 2:1 – 43 Модрич, 3:1 – 76, пенальти Бензема, 4:1 – 79 Асенсио.
«Реал»: Куртуа, Карвахаль (Васкес, 84), Алаба, Милитао, Менди, Модрич (Себальос, 82), Каземиро, Камавинга, Бензема (Мариано Диас, 84), Винисиус Жуниор (Марсело, 82), Родриго (Асенсио, 77).
«Реал Сосьедад»: Ремиро, Сальдуа (Элустондо, 64), Ле Норман, Пачеко (Рафинья, 46), Горосабел, Илярраменди (Субименди, 64), Мерино, Субелдия, Сильва (Жуахра, 46), Исак (Серлот, 80), Ойарсабаль.
Огоҳлантиришлар: Сальдуа (58), Мерино (81).