"Челси" бош мураббийи Томас Тухель АПЛ 28-туридан ўрин олган "Бёрнли"га (4:0) қарши ўйиндан кейин мухлисларнинг хатти-ҳаракатлари ҳақида гапирди.
28-тур ўйинлари олдидан Украинани қўллаб-қувватлаш акциялари ўтказилиши маълум бўлганди. Акция давомида мухлислар Роман Абрамович номини айтиб ҳайқиришди.
"Бунинг учун тўғри вақт эмас. Агар биз бирдамликни билдирсак, буни биргаликда қилишимиз керак.
Биз бирга тиз чўкамиз. Ёки, афсуски, бизнинг ёки бошқа клуб учун муҳим шахс вафот этса, бир дақиқалик сукут сақлаймиз. Бу бошқа хабарларни трансляция қилиш вақти эмас. Ҳурмат кўрсатилиши керак.
Клуб сифатида ҳурмат кўрсатамиз ва мухлисларимиз ушбу дақиқани олқишларга бағишлашлари керак", - деб Тухелдан иқтибос келтиради Sky Sports.
Эслатиб ўтамиз, Абрамович 2003 йилдан бери эгалик қилиб келаётган клубни тез орада сотишини маълум қилган эди. Қайд этилишича, у жамоани сотишдан 4 миллиард фунтга яқин даромад олишни кутмоқда.