"Chelsi" bosh murabbiyi Tomas Tuxel APL 28-turidan o‘rin olgan "Byornli"ga (4:0) qarshi o‘yindan keyin muxlislarning xatti-harakatlari haqida gapirdi.
28-tur o‘yinlari oldidan Ukrainani qo‘llab-quvvatlash aksiyalari o‘tkazilishi ma’lum bo‘lgandi. Aksiya davomida muxlislar Roman Abramovich nomini aytib hayqirishdi.
"Buning uchun to‘g‘ri vaqt emas. Agar biz birdamlikni bildirsak, buni birgalikda qilishimiz kerak.
Biz birga tiz cho‘kamiz. Yoki, afsuski, bizning yoki boshqa klub uchun muhim shaxs vafot etsa, bir daqiqalik sukut saqlaymiz. Bu boshqa xabarlarni translyasiya qilish vaqti emas. Hurmat ko‘rsatilishi kerak.
Klub sifatida hurmat ko‘rsatamiz va muxlislarimiz ushbu daqiqani olqishlarga bag‘ishlashlari kerak", - deb Tuxeldan iqtibos keltiradi Sky Sports.
Eslatib o‘tamiz, Abramovich 2003 yildan beri egalik qilib kelayotgan klubni tez orada sotishini ma’lum qilgan edi. Qayd etilishicha, u jamoani sotishdan 4 milliard funtga yaqin daromad olishni kutmoqda.
