Англия чемпионатининг 28-тури доирасида бўлиб ўтган «Ливерпуль» – «Вест Хэм» (1:0) учрашуви пайтида стадионда рақиб жамоа ҳимоячиси Курт Зуманинг хатти-ҳаракатларига муносабат билдирилди.

«Энфилд Роуд» стадиони узра «Мушукларнинг ҳаёти муҳим», дея ёзилган баннерни илиб олган самолёт учиб ўтди. Трибунада эса мухлислар катта ўлчамдаги қўғирчоқ мушукни кўтариб олишди ва унинг пешонасига "Мени теп", деб ёзилганди.

Зума «Ливерпуль»га қарши ўйинда тўлиқ ҳаракат қилди. У мушукни тепгани учун февраль ойида 250 минг фунт миқдорида жаримага тортилди.