Жамоамизнинг истеъдодли ҳимоячиларидан бири, Ўзбекистон U-23 терма жамоаси аъзоси Одилбек Абдумажидов фаолиятини Қозоғистон премьер лигаси вакили Шимкентнинг “Ордабаси” футбол клубида давом эттиради.
Мураббийлар штабимиз Одилбек Абдумажидовнинг янада кўпроқ ўйин амалиётига эга бўлиши, шунингдек, хориж жамоаларида тўп суриш тажрибасига эга бўлиши учун Қозоғистон Премьер лигасида 8-ўринда бораётган “Ордабаси” жамоасида ижара асосида ўйнашига розилик берди.
“Металлург” жамоаси мухлислари номидан Одилбекка хориж клубидаги фаолиятида омад ёр бўлишини тилаймиз.
