ММА жангчиси, икки вазн тоифасида собиқ UFC чемпиони Конор Макгрегор футбол клубини сотиб олиш нияти жиддийлигини тасдиқлади.
Аввалроқ ирландиялик «Челси» учун 1,5 миллиард фунт стерлинг таклиф қилган эди. Роман Абрамович Украинадаги вазият туфайли Россияга қарши санкциялар муносабати билан клубни сотувга қўйганди.
«Мен «Челси»ни сотиб олиш ҳақида ҳазиллашмаган эдим. Айтганимдек, мен бу таклифни ўрганяпман. Қолаверса, «Селтик», «Манчестер Юнайтед» ва ҳозирда сотувга қўйилган «Челси» мен харид қиладиган клублар рўйхатидан жой олган. Футбол клубини сотиб олиш менинг режаларимга киради, бунга шубҳа қилманг», — деб ёзди Макгрегор твиттердаги саҳифасида.
