Мадриднинг "Реал" клуби бош мураббийи Мюнхеннинг "Бавария" клубига қарши ўтадиган Европа чемпионлар Лигаси ярим финали учрашувидан нималар кутаётгани хусусида ўртоқлашди.
"Олдимизда турган ўйин клублар қарама-қаршилиги тарихи билан боғлиқ эмас. "Бавария"да қўшимча чоғланиш мавжуд, чунки финал уларнинг уй стадионида бўлиб ўтади. Эртанги ўйиндан кўнглим тўқ, чунки ўйинга яхши тайёргарлик кўрганмиз. Эртага майдонга кимлар тушишини ҳам аллақачон аниқлаб олганман. Ҳозирдан бошланғич таркибни айтишни истамаяпман.
"Реал" узоқ йиллар мобайнида турнинг бу босқичига яқинлаша олмай, кетма-кет икки йилдан буён ярим финалда ўйнамоқда. Кўрамиз, қўлимиздан нима келар экан. Биз испания чемпионатида ҳам, чемпионлар Лигасида ҳам ғолибликни қўлга киритишни мақсад қилганмиз.
Фикримча, Ҳовард Уэббда бундай ўйинларни бошқариш тажрибаси етарли. Футболчиларим ҳам учрашув бош ҳакамига ўз профессионал мажбуриятларини бекаму-кўст бажаришда кўмаклашиб юборишади», – дея Моуриньонинг сўзларини келтирмоқда клубнинг расмий Твиттери.
