«Милан» бош мураббийи Стефано Пиоли А Сериянинг 28-тури доирасидаги «Наполи» жамоасига қарши ўйин арафасидаги ўз фикрларини билдириб ўтди.

“Бу ўйинда ҳамма нарса бор, жумладан муҳит ҳам. Шоу ва муҳит ажойиб бўлади ва бу «Наполи» учун ҳам, биз учун ҳам рағбат бўлади.

Жорий мавсумда узоқ йўлни босиб ўтдик ва олдимизда 11 та ўйин қолди. Бундан буён барча учрашувлар бурилиш нуқтаси бўлади, биз уларни катта аниқлик ва ишонч билан ўтказишимиз керак. "Наполи" ажойиб формада, улар жуда юқори савияли жамоа, лекин бизда ҳам сифат бор. Биз кучли позицияда ўйнашимиз керак.

"Наполи" чемпионатдаги энг яхши ҳимояга эга. Улар дриблингдан фойдаланишади ва бўш жой топишда ажойиб ҳаракат қилишади. Иккала жамоа ҳам ажойиб ҳужумкор маҳоратга эга, шунинг учун ўйлайманки, энг яхши ҳимоявий кўрсаткичга эга бўлган жамоа ғалаба қозонади.

22 майга қадар сиз 33 очко тўплашимиз мумкин. Ҳеч ким очко йўқотишни истамайди, биз энг юқори ўрин учун охиригача курашишимиз керак" - деди Пиоли.