«Арсенал» бош мураббийи Микел Артета ҳужумчи Александр Ляказеттнинг жамоани тарк этиши мумкинлиги ҳақида гапирди.

«Мавсум охирида қаерда эканлигимиз муҳим. Шундан сўнг биз муҳокама столига ўтирамиз ва Алекс билан барча нарсага ойдинлик киритамиз», - дея Артетанинг сўзларини келтиради Goal.com.

Олдинроқ «Лион» Ляказеттга шартнома таклиф қилишга тайёрлиги хабар қилинганди.

Футболчи 2017 йилнинг ёзида 53 миллион евро эвазига «Лион»дан «Арсенал»га ўтган эди. Футболчи жорий мавсум «канонирлар» сафида 22 та ўйинда майдонга тушиб, 5 та гол ва 4 та голли узатмага муаллифлик қилган.