Россия ҳарбийлари Украинадаги ҳарбий операциясиини давом эттирмоқда.
Украинанинг Чернигов шаҳридаги "Юрий Гагарин" номли стадионида ҳам жиддий шикастланди.
Маҳаллий "Час Чернігівський" нашрининг ёзишига қараганда, стадион трибунасининг шарқий секторига снаряд отилиши оқибатида шикаст етган.
Айтилишича, бу стадион шаҳарнинг марказий стадиони саналади. Ўтган асрнинг 1950-йилларида барпо этилган стадион ўз бағрига 11 минг мухлисни сиғдира олади. 1961 йилдан стадионга "Юрий Гагарин" номи берилган.
Эслатиб ўтамиз, айнан мана шу стадионда Черниговнинг "Десна" жамоаси уй учрашувларини ўтказади.
