ФИФА хорижий легионерларга Россия клублари билан шартномани бекор қилишга рухсат берди.
Хорижлик футболчи ва мураббийлар Россияда мавсум охиригача (30 июнь) шартномани бир томонлама бекор қилиш ҳуқуқидан фойдаланишлари мумкин. Шундан сўнг улар эркин агент саналади ва ҳеч қандай оқибатларсиз янги клублар билан шартнома имзолаши мумкин бўлади.
Клублар Россия клубларидан трансфер қилинган футболчиларни рўйхатга олиш ойнаси аллақачон ёпилган тақдирда ҳам рўйхатдан ўтказишлари мумкин бўлади. Рўйхатдан ўтишнинг охирги муддати - 7 апрель.
Бу қарор УЕФА билан маслаҳатлашганидан кейин қабул қилинган. Агар 10 мартгача футболчилар ва клублар ўзаро келишувга эриша олмасалар, шартномани бир томонлама тўхтатиб туриш варианти тақдим этилади.
Шу билан бирга, Россиядан хорижлик футболчилар билан шартнома имзоламоқчи бўлган бошқа давлат клублари икки нафардан кўп бўлмаган футболчини таклиф қилишлари мумкин бўлади.
Украина премьер-лигаси легионерларига келсак, уларнинг клублар билан шартномаси автоматик тарзда тўхтатилди.
