FIFA xorijiy legionerlarga Rossiya klublari bilan shartnomani bekor qilishga ruxsat berdi.

Xorijlik futbolchi va murabbiylar Rossiyada mavsum oxirigacha (30 iyun) shartnomani bir tomonlama bekor qilish huquqidan foydalanishlari mumkin. Shundan so‘ng ular erkin agent sanaladi va hech qanday oqibatlarsiz yangi klublar bilan shartnoma imzolashi mumkin bo‘ladi.

Klublar Rossiya klublaridan transfer qilingan futbolchilarni ro‘yxatga olish oynasi allaqachon yopilgan taqdirda ham ro‘yxatdan o‘tkazishlari mumkin bo‘ladi. Ro‘yxatdan o‘tishning oxirgi muddati - 7 aprel.

Bu qaror UYEFA bilan maslahatlashganidan keyin qabul qilingan. Agar 10 martgacha futbolchilar va klublar o‘zaro kelishuvga erisha olmasalar, shartnomani bir tomonlama to‘xtatib turish varianti taqdim etiladi.

Shu bilan birga, Rossiyadan xorijlik futbolchilar bilan shartnoma imzolamoqchi bo‘lgan boshqa davlat klublari ikki nafardan ko‘p bo‘lmagan futbolchini taklif qilishlari mumkin bo‘ladi.

Ukraina premyer-ligasi legionerlariga kelsak, ularning klublar bilan shartnomasi avtomatik tarzda to‘xtatildi.