Испания терма жамоаси бош мураббийи Висенте Дель Боске Испания терма жамоаси билан амалдаги шартномасини узайтиргани ҳақидаги хабарларни шахсан тасдиқлади.
"Ҳа, мен терма билан шартномани узайтиришга қарор қилдим. Бу қарорни кўп иккиланишлардан сўнг қабул қилдим. Аввалига, ЕВРО-2012 якунланишини кутмоқчи эдим. Аммо, нима бўлган тақдирда ҳам терма жамоани энг кучга тўлган ва ажойиб циклни бошидан ўтказхаётган термани шунчаки ташлаб кетгим келмади", дейди Дель Боске Radio Marca га берган интервьюсида.
Эслатиб ўтамиз, Висенте дель Боске 2008 йилги европа чемпионатидан сўнг терма жамоани қабул қилиб олган ва термани 2010 йили жаҳон чемпионларига айлантира олганди.
Мураббийнинг амалдаги шартномаси шу йилнинг ёзигача, яъни Украина ва Польшада бўлиб ўтадиган европа чемпионати якунланиши билан тугаши керак эди. Аниқ муддати сир тутилаётган шартнома шартлари яқин кунларда эълон қилинади.
