«Эвертон» бош мураббийи Фрэнк Лэмпард кечаги «Тоттенхэм»дан учралган мағлубиятдан сўнг ўз клубидаги қийин давр ҳақида гапирди.

«Ишончим комилки, биз қуйи лигага тушиб кетмаймиз, лекин бу ҳеч нарсани англатмайди. Мен нажотимизга мутлақ ишонаман, шунинг учун мен бу ерга келдим.

Мен келганимда, бу ерда клуб қуйи лигага тушиб кетиши мумкин деган ҳис бор эди. Бу туйғу шаҳар атрофида айланиб юрарди ва мен уни ўзгартиришга мажбур бўлдим. Ўйлайманки, биз буни ўзгартирдик, аммо бизнинг аҳволимиз ҳали синов.

Мен олдинда нималар бўлишидан қўрқмайман. "Гудисон"даги кейинги икки ўйинни интиқлик билан кутяпман. Мен уларга тайёрман, худди футболчилар каби, улар ҳам тайёр бўлишлари керак», - дея Лэмпарднинг сўзларидан иқтибос келтирмоқда Daily Mail.