"Реал" ярим ҳимоячиси Лука Модрич ҳужумчи Килиан Мбаппенинг "ПСЖ"дан Мадрид клубига ўтишини исташини айтди.
“Биз энг яхши футболчилар билан ўйнашни истаймиз. Килиан, шубҳасиз, улардан бири. Албатта, мен у билан бир жамоада ўйнашни хоҳлардим.
Бошқа клублар футболчилари ҳақида гапириш қийин. Бу ҳар доим норозиликни келтириб чиқаради. Аммо Мбаппени ўз жамоасида кўришни истамайдиган футболчи бор деб ўйламайман", - дея Модричнинг сўзларини келтиради Goal.
Олдинроқ Мбаппе "Реал"га ўтишга оғзаки тарзда розилик бергани хабар қилинганди. Унинг француз клуби билан шартномаси келаси ёзда якунига этади.
