Австриянинг "Зальцбург" клуби бош мураббийи Маттиас Яйсле ЕЧЛнинг 1/8 финал жавоб учрашуви доирасида "Бавария"(1:7) жамоасидан қабул қилиб олинган мағлубият ҳақида фикр билдирди.
“Менинг йигитларим учун жудаям оғир оқшом. Аммо бу стадионда бошқа жамоалар ҳам даҳшатли мағлубиятга учраган. Бундай кучли рақибга қарши ўз максимал кучингизни кўрсатишингиз керак, биз буни уддалай олмадик.
Албатта, бу натижа мени хафа қилади. Лекин ҳамма нарсада ижобий томонни излаш керак. Биз Чемпионлар лигасининг 1/8 финалига чиққан энг ёш жамоага айландик. Буни биздан тортиб бўлмайди», - деди Яйсле УЕФА расмий сайтига.
Жамоалар ўртасидаги биринчи учрашув дуранг билан якунланганди - 1:1.