Avstriyaning "Zalsburg" klubi bosh murabbiyi Mattias Yaysle YECHLning 1/8 final javob uchrashuvi doirasida "Bavariya"(1:7) jamoasidan qabul qilib olingan mag‘lubiyat haqida fikr bildirdi.
“Mening yigitlarim uchun judayam og‘ir oqshom. Ammo bu stadionda boshqa jamoalar ham dahshatli mag‘lubiyatga uchragan. Bunday kuchli raqibga qarshi o‘z maksimal kuchingizni ko‘rsatishingiz kerak, biz buni uddalay olmadik.
Albatta, bu natija meni xafa qiladi. Lekin hamma narsada ijobiy tomonni izlash kerak. Biz Chempionlar ligasining 1/8 finaliga chiqqan eng yosh jamoaga aylandik. Buni bizdan tortib bo‘lmaydi», - dedi Yaysle UYEFA rasmiy saytiga.
Jamoalar o‘rtasidagi birinchi uchrashuv durang bilan yakunlangandi - 1:1.
