«Манчестер Юнайтед» раҳбарияти агар «Бавария» шартномасини узайтирмаса, Роберт Левандовски билан алоқага чиқиши мумкин.
Олдинроқ «Бавария» 33 ёшли ҳужумчи билан ҳамкорликни давом эттиришни режалаштираётгани, аммо музокаралар кейинроқ бўлиб ўтиши хабар қилинганди. Левандовски Испания Ла Лигасида ўзини синаб кўриш истаги ҳақида ҳам матбуотда маълумотлар тарқалди.
Bild нашри хабарига кўра, Англиянинг «Манчестер Юнайтед» клуби поляк билан шартнома имзолашга тайёрлигини билдирган. Агар футболчи Мюнхен клуби билан янги шартнома борасида келишмаса, музокаралар бошланиши мумкин.
Роберт Левандовски жорий мавсумда 35 та ўйинда 42 та гол урди. Унинг «Бавария» билан шартномаси 2023 йилда якунига етади.
