Доменико Берарди «Сассуоло»ни Англия ёки Италия клубларидан бирига алмаштириши мумкин. Бу ҳақда журналист Николо Скира хабар бермоқда.
27 ёшли италиялик вингер «Сассуоло»да мавсумни муваффақиятли ўтказмоқда, бу эса маҳаллий ва хориж клубларининг тобора кўпроқ эътиборини тортмоқда.
Англиянинг «Лестер» ва «Арсенал» клублари сўнгги ҳафталарда Берардининг ўйинларини диққат билан кузатиб, италияликлар ўйин салоҳиятини баҳолаш учун ўз скаутларини юборишди. Шунингдек, «Милан» ва «Наполи» клублари ҳам футболчига қизиқиш билдирмоқда. Мазкур жамоалар мураббийлари «Сассуоло» юлдузининг истеъдодини юқори баҳолайдилар.
Доменико Берарди жорий А сериянинг 25 учрашувида 12 гол ва 14 голга ассистентлик қилди. «Сассуоло» ўз етакчисини сотишдан 30 миллион еврога яқин даромад олишни режалаштирмоқда.
