Ганалик олтин конининг эгаси Бернард Антви Боасиако "Челси"ни сотиб олмоқчи, кейин эса Лионель Месси ва Криштиану Роналдуни жамоага олиб келишни ҳам режалаштирган.
Сиёсатчи ва радиостанция раҳбари бўлган Боасиако ўзининг дадил трансфер режаларини ошкор қилиб, Премьер-лига гигантлари учун курашга қўшилишни хоҳлайди.
45 ёшли бизнесмен Месси ва Роналдуни, шунингдек, "Реал" юлдузи Винисиус Жуниорни нишонга олган.
Шунингдек, у ўтган ёзда "Челси"га қайтган Ромелу Лукакуни 97,5 миллион фунт стерлингга сотишни режалаштирмоқда.
"Мен ташқарига чиқиб, "Челси" футбол клубини сотиб олмоқчиман. Бу мени қизиқтиради”, деди Боасиако Wontumi телеканалига берган интервьюсида.
