"Челси" бош мураббийи Томас Тухель жамоа футболчиси Бен Чилвеллнинг аҳволи ҳақида гапирди. У шундай дейди:
"Чилли чим устида машқ қилишга ўтди. Менимча, ўша пайтда фотографлар уни расмини олишган бўлса керак. Ҳа, у ташқарида, очиқ ҳавода машғулот ўтказиши мумкин. Уни бу ҳолда кўриш яхши, албатта. Аммо олдинда тикланишнинг узоқ йўли турибди. Шифокорлар унга майдонни, майсани ҳис этишга рухсат берганининг ўзи катта гап. Беннинг машқлари ҳали жамоавий ёки тўлақонли футболга тортмайди. Унинг бу мавсумда қайтиши имконсиз иш".
Эслатиб ўтамиз, 25 ёшли ҳимоячи ноябрь ойида ЕЧЛ доирасида "Ювентус"га қарши баҳсда жароҳат олган ва операция қилинган эди.
