«Интер» ёзги трансферлар ойнасида ҳужум чизиғини кучайтириш ниятида ва «Сассуоло»га ҳужумчи Жанлука Скамакка трансфери учун 40 миллион евро тўлашга тайёр, дея хабар беради журналист Николо Скира.
Журналистнинг фикрича, 23 ёшли ҳужумчи Милан клуби учун устувор вариант ҳисобланади. Шунингдек, «Интер» нархни пасайтириш мақсадида ўз футболчиларидан бирини шартномага киритиши ҳам мумкин.
Италиялик ҳужумчининг «Сассуоло» билан шартномаси 2025 йилнинг ёзига қадар мўлжалланган.
Жорий мавсум Скамакка барча турнирлар доирасида 28 та ўйинда иштирок этиб, 11 та гол урди ва битта голли узатмани амалга оширди.
